To Freethinker...

ഇവിടെ ഓരോ മനുഷ്യനും പരിശീലിക്കപ്പെടുന്നതും വളരുന്നതും തയാറാക്കി നല്‍കിയ ഒരു മത മാതൃകയിലാണ്.കുഞ്ഞു നാള്‍ മുതല്‍ കുത്തി നിറയ്ക്കപ്പെട്ട ഈ വിശ്വാസങ്ങളെ ചോദ്യം ചെയ്യുന്നതിന് അവനു കരുത്ത് വേണം..തന്റെ സ്വാഭാവികതയെ മരവിപ്പിച്ച മതങ്ങളും പുരോഹിതന്മാരും പണിതുയര്‍ത്തിയ കോട്ടകള്‍ തച്ചുടയ്ക്കണം .ഈ പ്രപഞ്ചത്തിന്റെ അത്ഭുതങ്ങളിലെക് തന്റെതായ ഒരു കാഴ്ച വേണം..വസ്തുനിഷ്ഠവും ശാസ്ത്രീയവുമായ ആ അന്വേഷനങ്ങളിലെക്കുള്ള അവന്റെ ചുവടുകള്‍ക്ക്‌ ധൈഷണികമായ ഒരു വീക്ഷണവും അതോടൊപ്പം സ്നേഹപരമായ ഹൃദയവും വേണം.അവന്‍ ശാസ്ത്രകാരന്റെ യുക്തിയും സഹൃദയന്റെ ഹൃദയ സാരള്യവും ഉള്ളവന്‍ ആയിരിക്കണം.അത്തരം ഒരാള്‍ ആകാന്‍ സ്വയം കരുത്താര്‍ജിക്കുന്ന ശാസ്ത്ര കുതുകിയും പ്രകൃതി സ്നേഹിയും ആയ ഒരു സാധാരണ മനുഷ്യന്‍.ഞാന്‍ ആത്യന്തികമായി മനുഷ്യ ശക്തിയില്‍ വിശ്വസിക്കുകയും മാനവികതയ്ക്ക് വേണ്ടി നിലകൊള്ളുകയും ചെയ്യുന്നു.ഈ പ്രപഞ്ചം എന്നെ സദാ അത്ഭുതം കൊള്ളിക്കുന്നു..എന്നാല്‍ അതിന്റെ പേരില്‍ മതങ്ങള്‍ പറഞ്ഞ ദൈവങ്ങളെയോ കഥകളെയോ തലയില്‍ ചുമക്കാന്‍ താല്പര്യം ഇല്ലാത്ത ഒരു സ്വതന്ത്ര ചിന്തകന്‍ ..എന്റെ അന്വേഷണം തുടരുന്നു .....
-----------------------------------------------------------------------------------------------------------------------------------

Saturday, 25 August 2012

ഓണം ?????

ഒത്തൊരുമിച്ചു ഭക്ഷണം കഴിക്കുകയും സന്തോഷം പങ്കിടുകയും ചെയ്യുന്നത് മഹത്തായ കാര്യമാണ് 

..പക്ഷെ നാം 

കൊട്ടിഘോഷിക്കുന്നമാതിരി ഏതു സമൃദ്ധിയുടെ പേരിലാണ് നാം ഈ ഓണം 

ആഘോഷിക്കേണ്ടത്?!..ഒരു ശരാശരി 

മലയാളിയെ സംബന്ധിച്ച് ഓണം വീര്‍പ്പുമുട്ടിക്കുന്ന ഒരു സമ്മര്‍ദമാണ്..ഒരു ഭൂതകാലം 

അടിച്ചേല്‍പ്പിച്ച ഒരു 

സങ്കല്‍പ്പത്തെ താലോലിക്കുകയും അതിന്റെ പേരില്‍ ഓണം മേളകളിലൂടെ ഒരുക്കപ്പെടുന്ന 

കച്ചവട ചൂഷണങ്ങള്‍ക്ക് 

അവന്‍ ഇരയാകുകയും ചെയ്യുന്നു..!ഓണത്തിന് കേരള വിപണികളെ കൊഴുപ്പിക്കാന്‍ അന്യ 

സംസ്ഥാനങ്ങളില്‍ നിന്നും 

എത്തിച്ചേരുന്ന മാരക കീടനാശിനികള്‍ തളിച്ച് വീര്‍പ്പിചെടുത്ത്ത പച്ചക്കറികള്‍ !

ഇടനിലക്കാരുടെ കൈകളിലൂടെ

 പൊള്ളുന്ന വിലയ്ക്ക് മലയാളിയുടെ മുറ്റത്തു ഒരുങ്ങുന്ന പൂക്കളങ്ങള്‍ !!വിലപേശല്‍ ഇല്ലാതെ 

വിറ്റഴിക്കപ്പെടുന്ന 

ഓണക്കോടികള്‍ ! എവിടെയാണ് നാം ഓണം ആഘോഷിക്കുന്നത് ??!..ഇടവത്തില്‍ 

പെയ്യാതൊഴിഞ്ഞ 

കാര്‍മേഘങ്ങള്‍ ഇടയ്ക്കിടെ ഒച്ചവയ്ക്കുമ്പോള്‍ നമുക് താളം തെറ്റുന്നു..സത്നം സിംഗിന്റെ ജഡം

 ഒരു ചോദ്യം 

ചിന്ഹമായി ഇപ്പോഴും അരികില്‍ കിടക്കുന്നു..നെല്ലിയാമ്പതിയിലെ കാട്ടുതീ ഇനിയും 

കെട്ടടങ്ങാതെ പടരുന്നു !!..ലക്ഷം 

കോടിയുടെ അഴിമതിക്കഥകളുടെ ചര്‍ച്ചകളില്‍ നാം മുഴുകുമ്പോഴും പൈപ്പിന്‍ ചുവട്ടില്‍ വിശപ്പിന്റെ 

അഗ്നിയില്‍ 

ജലകണം തേടുന്നവരുടെ നാട്ടില്‍ നാം എങ്ങനെ ഓണം ആഘോഷിക്കും ??എന്തിനു ഓണം 

ആഘോഷിക്കും ??

2 comments:

  1. ഈ ചിന്തകള്‍ എല്ലാം നല്ലത് തന്നെ, ഈ ഓണ നാളുകളില്‍ അതെല്ലാം അങ്ങോട്ട്‌ മാറ്റിവെച്ചു എല്ലാരോടൊപ്പം ആഘോഷിക്കെന്നെ. അപ്പം ഓണാശംസകള്‍.

    ReplyDelete
  2. ഇന്നെന്റെയോർമ്മയിൽ വിറകൊള്ളുമോണം
    വഴികളിൽത്തടയുന്ന ശിലകളായ് പൂക്കളം
    ചെട്ടിയും ചേമന്തിയും ചെണ്ടുമല്ലിയും
    കെട്ടുപോം പൂക്കളാൽ മത്സരപ്പൂക്കളം
    ചിതറും തലച്ചോറു കൊണ്ടൊരു പൂക്കളം
    അറ്റകൈപ്പത്തികൾ കൊണ്ടൊരു പൂക്കളം
    പുഴുവരിച്ചൊരു വൃദ്ധശാപമായ് പൂക്കളം
    മിഴികരിച്ചൊരു ബാലഭിക്ഷയായ് പൂക്കളം
    കാട്ടുനായ്ക്കൾ തോലുരിഞ്ഞ കിടാത്തിയെ-
    വേട്ടയാടും നാട്ടു ചാനൽച്ചിരിക്കളം
    കെട്ടിയ മാവേലിവേഷമഴിയ്ക്കാതെ-
    കെട്ടുകൂലിക്കായ്ക്കരയും ചതിക്കളം
    കഥകളി,തെയ്യം,പുലിക്കളി,പൂക്കളം
    കനവിലും നിനവിലും വറ്റാത്ത തീക്കളം

    എങ്കിലുമോണമെത്തുമ്പോഴെന്നുള്ളിലെ-
    പുഞ്ചിരിത്തുമ്പകൾ തീർക്കുന്നു പാൽക്കളം
    ഓർമ്മയിലെനിക്കുണ്ടൊരോണം നിലാവു പോൽ
    പ്രാണനിൽ തേൻകണം ചാലിക്കുമുത്സവം

    ReplyDelete