ശ്രീബുദ്ധന്
തങ്കനിലാവെഴുമരയാല്ത്തറയില്
നിന്നുമുണര്ന്നാ ചൈതന്യം
ഇരുളിന് കോട്ടകള് തച്ചുതകര്ക്കാന്
ഇവിടീ മണ്ണില്പ്പടരുമ്പോള്..
പൂണൂലുകളിലുരഞ്ഞു പുഴുത്ത കരങ്ങള്
ഈയമുരുക്കും ലോകത്തില്,
മണിയടി നാദം കേട്ടാലുടനെ
മറഞ്ഞു നില്ക്കേണ്ടവരുടെ കാതില്..
മാറ്റൊലി കൊണ്ടു പുതിയൊരു ശബ്ദം:
"ബുദ്ധം..ശരണം..ഗച്ഛാമി.."!
* * * * * * * * * * * * * * * * * * * * * * * * * * *
മന്ത്രം ചൊല്ലി മയക്കി മനസ്സില്
ബിംബങ്ങള്ക്കുയിര് ചേര്ത്തവര്തന്,
പല്ലക്കിന്റെ പുറന്തടിതട്ടി-
യെല്ലുമുറിഞ്ഞവരുടെ കരളില്..
കുളിരല ചിന്നിച്ചൊഴുകി നിറഞ്ഞു:
"ധര്മ്മം..ശരണം..ഗച്ഛാമി...!!".
* * * * * * * * * * * * * * * * * * * * * * * * * * * ** * *
കൊടിയ മരീചിക ഭാരത മണ്ണില്
ജാതിക്കോലം തീര്ക്കുമ്പോള്..
ഇരുണ്ട കോവിലകങ്ങളിലെങ്ങോ
തപസ്സിരുന്നു ..ദൈവങ്ങള്!!! !
അവരെക്കാണാ,നര്ച്ചന നല്കാന്
കഴിയാത്തവരുടെ കാതുകള് മുട്ടി
തേനൊലിപോലെ കാറ്റിലുയര്ന്നു:
"സംഘം..ശരണം..ഗച്ഛാമി..!!"
____________________________
നീഹാരക്കുടമുല്ലകള് ചൂടിയ
ഹിമവല്പര്വതശൃംഖങ്ങള്
നിവര്ന്നുനിന്നൂ,വിശുദ്ധമാമൊരു
മെതിയടി ശബ്ദം കാതോര്ക്കെ !
അതിന്റെ മുഗ്ദ്ധത കണ്ടു നടുങ്ങി
വിമൂഢബ്രാഹ്മണ ശാര്ദ്ദൂലങ്ങള് !
അതിന്റെ മാറ്റൊലി കൊണ്ട് തകര്ന്നു
അഭിശ്രവണ മണ്ഡപശിലകള് !!
മഞ്ഞജമന്തീ മാലകള് പോലാ
മഞ്ഞപ്പട്ടിന് മഞ്ജിമ ചിതറി !
ആ മെതിയടിപതിയുന്ന പദങ്ങളി -
ലായിരമാമ്പല്പ്പൂവുകള് മരുവി!!
പരിണാമങ്ങളിലൂടെ മനുഷ്യന്
പൂര്ണത നേടിയ പുതിയ ചരിത്രം
പനയോലകളില് കുറിച്ചു വച്ചു
അഭിനവഭാരത ശാസ്ത്ര മുഖങ്ങള് !!
നാസ്തികന് എന്ന് വിളിച്ചു ചിലരാ -
ശാക്യമുനിക്കൊരു ജാതകമെഴുതി !
പൊട്ടക്കിണറില് ചാടിമറിഞ്ഞൊരു
തവള പറഞ്ഞത് കേട്ടിട്ടില്ലേ ;
"കടലുകള് എന്നാല് ഞങ്ങള്ക്കറിയാം
ഇക്കിണറിനു പോന്നൊരു വ്യാസം തോന്നും !!"
സത്യം കാണാന് കഴിയാത്തവരുടെ
ജല്പ്പനമിങ്ങനെ തുടരുമ്പോഴും
ബുദ്ധനെ അറിയാനുള്ക്കാഴ്ചയുമായി
ധ്യാനമിരുന്നൂ ഭാരതഹൃദയം !!
വാഗാതീതതലങ്ങളില് മൌനം
വേരുകളാഴ്ത്തിയ ബുദ്ധഹൃദന്തം
വാടിയപൂവിതള്പോലോളിമങ്ങിയ
ലോകത്തോട് വിളിച്ചു പറഞ്ഞു :
"പോകുക !പോകുക !ഉള്ളില്ലിരിക്കും
ബോധം പൂകുക ! നിര്വാണം !!"
ബോധിമരത്തിന് ഇലകളിലൂടെ
കാറ്റ് കളിച്ചു നടക്കുമ്പോള് ..
കേള്ക്കാറില്ലേ നാമാ ശബ്ദം !
പ്രാണപരിഗ്രഹ നിര്മാല്യം !!
'ബുദ്ധം..ശരണം..ഗച്ഛാമി..!
ധര്മ്മം..ശരണം..ഗച്ഛാമി..!
ബുദ്ധംശരണം,ധര്മ്മം..ശരണം
സംഘം..ശരണം..ഗച്ഛാമി..!!'
____________________________
നീഹാരക്കുടമുല്ലകള് ചൂടിയ
ഹിമവല്പര്വതശൃംഖങ്ങള്
നിവര്ന്നുനിന്നൂ,വിശുദ്ധമാമൊരു
മെതിയടി ശബ്ദം കാതോര്ക്കെ !
അതിന്റെ മുഗ്ദ്ധത കണ്ടു നടുങ്ങി
വിമൂഢബ്രാഹ്മണ ശാര്ദ്ദൂലങ്ങള് !
അതിന്റെ മാറ്റൊലി കൊണ്ട് തകര്ന്നു
അഭിശ്രവണ മണ്ഡപശിലകള് !!
മഞ്ഞജമന്തീ മാലകള് പോലാ
മഞ്ഞപ്പട്ടിന് മഞ്ജിമ ചിതറി !
ആ മെതിയടിപതിയുന്ന പദങ്ങളി -
ലായിരമാമ്പല്പ്പൂവുകള് മരുവി!!
പരിണാമങ്ങളിലൂടെ മനുഷ്യന്
പൂര്ണത നേടിയ പുതിയ ചരിത്രം
പനയോലകളില് കുറിച്ചു വച്ചു
അഭിനവഭാരത ശാസ്ത്ര മുഖങ്ങള് !!
നാസ്തികന് എന്ന് വിളിച്ചു ചിലരാ -
ശാക്യമുനിക്കൊരു ജാതകമെഴുതി !
പൊട്ടക്കിണറില് ചാടിമറിഞ്ഞൊരു
തവള പറഞ്ഞത് കേട്ടിട്ടില്ലേ ;
"കടലുകള് എന്നാല് ഞങ്ങള്ക്കറിയാം
ഇക്കിണറിനു പോന്നൊരു വ്യാസം തോന്നും !!"
സത്യം കാണാന് കഴിയാത്തവരുടെ
ജല്പ്പനമിങ്ങനെ തുടരുമ്പോഴും
ബുദ്ധനെ അറിയാനുള്ക്കാഴ്ചയുമായി
ധ്യാനമിരുന്നൂ ഭാരതഹൃദയം !!
വാഗാതീതതലങ്ങളില് മൌനം
വേരുകളാഴ്ത്തിയ ബുദ്ധഹൃദന്തം
വാടിയപൂവിതള്പോലോളിമങ്ങിയ
ലോകത്തോട് വിളിച്ചു പറഞ്ഞു :
"പോകുക !പോകുക !ഉള്ളില്ലിരിക്കും
ബോധം പൂകുക ! നിര്വാണം !!"
ബോധിമരത്തിന് ഇലകളിലൂടെ
കാറ്റ് കളിച്ചു നടക്കുമ്പോള് ..
കേള്ക്കാറില്ലേ നാമാ ശബ്ദം !
പ്രാണപരിഗ്രഹ നിര്മാല്യം !!
'ബുദ്ധം..ശരണം..ഗച്ഛാമി..!
ധര്മ്മം..ശരണം..ഗച്ഛാമി..!
ബുദ്ധംശരണം,ധര്മ്മം..ശരണം
സംഘം..ശരണം..ഗച്ഛാമി..!!'
No comments:
Post a Comment