To Freethinker...

ഇവിടെ ഓരോ മനുഷ്യനും പരിശീലിക്കപ്പെടുന്നതും വളരുന്നതും തയാറാക്കി നല്‍കിയ ഒരു മത മാതൃകയിലാണ്.കുഞ്ഞു നാള്‍ മുതല്‍ കുത്തി നിറയ്ക്കപ്പെട്ട ഈ വിശ്വാസങ്ങളെ ചോദ്യം ചെയ്യുന്നതിന് അവനു കരുത്ത് വേണം..തന്റെ സ്വാഭാവികതയെ മരവിപ്പിച്ച മതങ്ങളും പുരോഹിതന്മാരും പണിതുയര്‍ത്തിയ കോട്ടകള്‍ തച്ചുടയ്ക്കണം .ഈ പ്രപഞ്ചത്തിന്റെ അത്ഭുതങ്ങളിലെക് തന്റെതായ ഒരു കാഴ്ച വേണം..വസ്തുനിഷ്ഠവും ശാസ്ത്രീയവുമായ ആ അന്വേഷനങ്ങളിലെക്കുള്ള അവന്റെ ചുവടുകള്‍ക്ക്‌ ധൈഷണികമായ ഒരു വീക്ഷണവും അതോടൊപ്പം സ്നേഹപരമായ ഹൃദയവും വേണം.അവന്‍ ശാസ്ത്രകാരന്റെ യുക്തിയും സഹൃദയന്റെ ഹൃദയ സാരള്യവും ഉള്ളവന്‍ ആയിരിക്കണം.അത്തരം ഒരാള്‍ ആകാന്‍ സ്വയം കരുത്താര്‍ജിക്കുന്ന ശാസ്ത്ര കുതുകിയും പ്രകൃതി സ്നേഹിയും ആയ ഒരു സാധാരണ മനുഷ്യന്‍.ഞാന്‍ ആത്യന്തികമായി മനുഷ്യ ശക്തിയില്‍ വിശ്വസിക്കുകയും മാനവികതയ്ക്ക് വേണ്ടി നിലകൊള്ളുകയും ചെയ്യുന്നു.ഈ പ്രപഞ്ചം എന്നെ സദാ അത്ഭുതം കൊള്ളിക്കുന്നു..എന്നാല്‍ അതിന്റെ പേരില്‍ മതങ്ങള്‍ പറഞ്ഞ ദൈവങ്ങളെയോ കഥകളെയോ തലയില്‍ ചുമക്കാന്‍ താല്പര്യം ഇല്ലാത്ത ഒരു സ്വതന്ത്ര ചിന്തകന്‍ ..എന്റെ അന്വേഷണം തുടരുന്നു .....
-----------------------------------------------------------------------------------------------------------------------------------

Friday, 9 March 2012

ഹൃദയവനിയില്‍ ..

ഞാന്‍ എന്റെ അസ്തിത്വവുമായി ആനന്ദത്തിലാണ് .എനിക്ക് എന്റെ ഹൃദയ സംഗീതം കണ്ടെത്തുന്നതിന് മേഘങ്ങള്‍ക്ക് അപ്പുറമുള്ള ഒരു ദൈവത്തിന്റെയും ആവശ്യം ഇല്ല!..എന്റെ ദുഖവും സന്തോഷവും ഈ പ്രകൃതിയോടും പ്രപഞ്ചത്തോടുമൊപ്പം ഞാന്‍ പങ്കുവയ്ക്കുന്നു .അവ എന്റെ ഹൃദയത്തില്‍ കവിത നിറയ്ക്കുന്നു!!സ്വര്‍ഗ്ഗ നരകങ്ങളെ കുറിച്ചോര്‍ത്തു ഞാന്‍ വേവലാതി പെടുന്നില്ല!!.ഞാന്‍ ഈ ജീവ പ്രപഞ്ചവുമായി പ്രണയത്തിലാണ്...എനിക്ക് ആരോടും പ്രതികാരം ചെയ്യാനില്ല,ആരോടും പോരടിക്കാനുമില്ല.ഒരു പ്രബോധങ്ങളുടെയും സഹായം ഇല്ലാതെ ഞാന്‍ സ്വാഭാവികമായ നന്മ പുലര്‍ത്തുന്നു .ഒരു ദൈവത്തെയും ചെകുത്താനെയും ഭയപ്പെടാതെ ഞാന്‍ എന്റെ കര്‍മം ചെയ്യുന്നു!.ഞാന്‍ സത്യം അനുഷ്ഠിക്കുന്നത് നരകം ഭയന്നല്ല..ഞാന്‍ പാപം ചെയ്യാത്തത് സ്വര്‍ഗം പോകും എന്നാ ഭയത്താലുമല്ല .ഞാന്‍ മതങ്ങളുടെ മതില്‍ കെട്ടുകളെ തട്ടിയുടച്ചു പുറത്ത് കടന്നു ..

ഞാന്‍ ആനന്ദത്തിലാണ് ....ധ്യാനത്തിലാണ്!

3 comments:

  1. നല്ല ചിന്തകള്‍.
    ആശംസകളോടെ

    ReplyDelete
  2. Thank you Dear Kusumam R punnapr and Dear C V Thankappan
    by Rejeesh palavila

    ReplyDelete