ഇന്ത്യയുടെ മനസ്സ് ആഗ്രഹിച്ചതാണ് ഡല്ഹി സാകേത് കോടതിയുടെ വധശിക്ഷാവിധി .വിധി,വരുംനാളില് നിയമത്തിന്റെ പഴുതുകളില് നേര്ത്ത് പോകാം !ആരും വധിക്കപ്പെടുന്നത് ആഘോഷിക്കപ്പെട്ടുകൂടാ;എങ്കിലും ,ക്രൂരമായി വേട്ടയാടപ്പെട്ട ആ പെണ്കുട്ടിയെ സ്വന്തം മകളുടെയോ സഹോദരിയുടെയോ സ്ഥാനത്ത് കാണുന്ന ആര്ക്കും കോടതിവിധിയില് സന്തോഷം തോന്നും.ഇങ്ങനെ ഒരു വിധിക്ക് അര്ഹതയുണ്ടായിരുന്ന അനേകം കാടന്മാര് ഇപ്പോഴും സമൂഹത്തിന്റെ മുഖ്യധാരയില് സുഖലോലുപരായി വിലസുന്നുണ്ട് എന്നോര്ക്കുമ്പോള് അമര്ഷവും തോന്നും .ഇത് പറയുമ്പോള് കൊലപാതകത്തിനു ശിക്ഷ കൊലപാതകമോ എന്ന അതിശയോക്തിയോടെ ബുദ്ധിജീവികള് കഴുത്ത് നീട്ടിയേക്കാം. വിഷപാമ്പ് വീട്ടിനുള്ളില് കടന്നുവന്നാല് നിവൃത്തികേടുകൊണ്ട്നാം എന്താണ് ചെയ്യുക?
ഈ പ്രഖ്യാപനം കൊണ്ട് ഈ രാജ്യത്തെ സ്ത്രീകള് സുരക്ഷിതമായിരിക്കുന്നു എന്നൊന്നും ആരും കരുതുന്നില്ല.മാധ്യമങ്ങളുടെയോ ജനകീയ സമരങ്ങളുടെയോ പിന്തുണ കിട്ടാതെ പോയ,നീതി നിഷേധിക്കപ്പെട്ടവരുടെ നീണ്ട പട്ടിക ഇവിടെയുണ്ടുതാനും .കുറ്റവാളികളുടെ സ്വാധീനവും ശക്തിയും നിയമത്തിന്റെ കണ്ണുകള് പൊത്തിപ്പിടിച്ച എത്രയോ സംഭവങ്ങള് ഈ രാജ്യത്ത് നടന്നു.ഡല്ഹി സംഭവത്തിന് ശേഷവും അതൊക്കെ നടന്നു.ഇപ്പോഴും നടക്കുന്നു .ഇരകളുടെയും വേട്ടക്കാരുടെയും വര്ണ്ണവും വര്ഗ്ഗവും ഗോത്രവും നോക്കാതെ നീതിക്കുവേണ്ടി സുശക്തമായ നിലപാടെടുക്കാന് നമ്മുടെ സമൂഹവും നീതിപീഠവും കൂടുതല് ജാഗ്രതപ്പെടട്ടെ എന്നാശിക്കാം .
രജീഷ് പാലവിള
13/09/2013
ഈ പ്രഖ്യാപനം കൊണ്ട് ഈ രാജ്യത്തെ സ്ത്രീകള് സുരക്ഷിതമായിരിക്കുന്നു എന്നൊന്നും ആരും കരുതുന്നില്ല.മാധ്യമങ്ങളുടെയോ ജനകീയ സമരങ്ങളുടെയോ പിന്തുണ കിട്ടാതെ പോയ,നീതി നിഷേധിക്കപ്പെട്ടവരുടെ നീണ്ട പട്ടിക ഇവിടെയുണ്ടുതാനും .കുറ്റവാളികളുടെ സ്വാധീനവും ശക്തിയും നിയമത്തിന്റെ കണ്ണുകള് പൊത്തിപ്പിടിച്ച എത്രയോ സംഭവങ്ങള് ഈ രാജ്യത്ത് നടന്നു.ഡല്ഹി സംഭവത്തിന് ശേഷവും അതൊക്കെ നടന്നു.ഇപ്പോഴും നടക്കുന്നു .ഇരകളുടെയും വേട്ടക്കാരുടെയും വര്ണ്ണവും വര്ഗ്ഗവും ഗോത്രവും നോക്കാതെ നീതിക്കുവേണ്ടി സുശക്തമായ നിലപാടെടുക്കാന് നമ്മുടെ സമൂഹവും നീതിപീഠവും കൂടുതല് ജാഗ്രതപ്പെടട്ടെ എന്നാശിക്കാം .
രജീഷ് പാലവിള
13/09/2013
No comments:
Post a Comment